Updated: April 5, 2024

➤ Subscribe : https://www.youtube.com/channel/UCMGcLuSfrOyQfdwXtgL_7tA

➤ Soundcloud : https://soundcloud.com/diamondmemories

➤ No copyright infringement intended for the song or picture. If you need a song or picture removed on my channel, please contact me .

Lyrics :

منبه صوته عالي فوق عقلي وترتيباتي
يوم المقابلة فكرني بأول شغل فـ حياتي
مهندسين كتير جدعان وبيسعوا للوظيفة
خبرتهم في الحياة مفيش زي الورقة النضيفة
آخر C.V. في إيدي بإسم نور عبدالكريم
ورقة مذكرات من نصه وقعت بتاريخ قديم
نور كان الكبير على بنتين اتنين
مـ المسئولية عمره ماشتكى طول السنين
صحابه دايما بيلوموه وضغوط كتير عليه
يابني هتعمل ايه بالعلم وبالدراسة هتبقى ايه
سؤال عارف إجابته فعمره في يوم ما حيره
أمه دايما فـ ضهره بتسنده وتصبره
بس فجأه مرض أبوه بقى ياكل فيه ويكسره
لازم يلحق أخواته وبيته قبل مايخسره
نزل ورشة أبوه وقال للناس هنسى العلام
شهور واتقال عليه يا أسطى زي أبوه تمام
في السر كان بيذاكر والدكاتره قدروه
عرفوا ظرفوه ومشاكله وفي الغياب استحملوه
يوم ما استلم الشهادة كان طاير فوق السما
مهندس ميكانيكا قد الدنيا إنما
خبر وفاة أبوه كان رصاصة هتقتله
كتر الهموم من صغره قدرت يومها تصبره
الورقة قلبتها وفـ عقلي بقول ده مش هيقع
وللوظيفة خلاص إخترته لأنه جدع
لا أنا هتحط على الهامش ولا هقبل أكون عـ الرف
دي الدنيا بتمشي عشان إحنا فـ نفس الصف
أنا بسبق بتحدى ظروف أنت مبتعشهاش
ودور هو لا يمكن يوم هيكمل غير بدور هي
معاد المقابلة جيه متحمس إني أشوفه
أسمع منه أكتر عن حياته أحلامه وظروفه
بس المفاجأة كانت إن نور مطلعش راجل
دي بنت قدامي بتقولي أهلا مبقتش فاهم
سألت باستغراب اسمك نور عبدالكريم
ردت عليا بإبتسامة أهلا وانت مين
سألت تاني ليكي إخوات ردت أيوا بنات
وأنا المسئولة عنهم من يوم ما أبويا مات
إتصدمت من الإجابة نفس كلام السطور
وجوا عقلي ألف صوت بيقولي مش معقول
إزاي كانت فـ ورشة إزاي كانت سند
إزاي كانت رجولة دي بنت أصلا مش ولد
إزاي عمال رجالة يقولوا ليها ياريسة
إزاي هقول إختارت ست إختارت مهندسة
جوايا صوت بينكر السؤال قبل الإجابة
بينكر التردد وبيأمر بالإستجابة
لصوت العدل فيا ويفكرني بإختياري
عشان قدامي بنت يبقى هغير قراري
عيب وعار عليا وليها لازم أعتذر
إزاي مابين أفكار مريضة قديمة بتأسر
عقلت وإديت لنور ورقة مذكرتها
قلتلها إني عارف كتير أوي عن حياتها
مبروك عليكي الشغل ومتأكد هتنجحي
وأتمنى نكون صفحة فـ حياتك فيها تفرحي
لا أنا هتحط على الهامش ولا هقبل أكون عـ الرف
دي الدنيا بتمشي عشان إحنا فـ نفس الصف
أنا بسبق بتحدى ظروف أنت مبتعشهاش
ودور هو لا يمكن يوم هيكمل غير بدور هي